Nga Kreshnik Osmani
Njeriu vret, sepse njeriu është kafsha më e rrezikshme mbi tokë.
Njeriu kafshon sepse është egërsira më e rrezikshme mbi planet.
Njeriu synon gjithmonë ta cojë ujin tek mulliri i vet sepse është gatuar qënie egoiste, që synon të marrë atë që nuk është e vetja dhe ta cojë tek shtëpia e vet për gruan dhe fëmijët e vet.
Burrat janë kafshët e mira apo të këqija, që janë aty për të mbrojtur familjet e veta, gratë, fëmijët, nënën, babën, pronën, nderin, gjakun.
Burrat bëjnë dashuri me gratë dhe ndonjëherë seks pa dashuri, që të garantojnë vijimësinë e gjakut, të emrit, të fisit dhe të racës së tyre të poshtër apo të mirë. Pasi bejne dashuri bashkojne lekuren dhe djersen e tyre me gruan apo me femren ku mbjellin e depozitojne faren, gjakun, xhinsin, sojin, racen, kafsherine dhe miresine e tyre. Ky bashkim krijon nje lloj imuniteti per femren dhe granton jete per te ne nje fare menyre, sepse gjaku, lekura, djersa, mishi, kur bashkohen, nuk e hane me dot veteveten, ne kushte normale.
Burrat janë të mirë, ose të ndershëm, ose xhelozë të sëmurë, ose janë të sëmurë mendorë që vrasin, ose manjakë seksualë që shikojnë me urrejtje seksin që nuk e përlqejnë më, ose janë poliagjentë që zhdukin gruan që ka informacion më shumë se duhet, ose perversë të ndyrë që ndjejnë lumturi tek sjelljet e tyre pervertive karshi gjinisë tjetër, ose janë debilë dhe i hanë femrat e veta, për arsye të njërës prej patollogjive apo të arsyeve të mësipërme.
Mashkulli mund ta ndajë femrën e vet, mund ta abandonojë, mund ta largojë, mund ta ftohet, mund të ndalojë së dashuri atë, mund ta urrejë, mund ta dashurojë nga e para pasi e ka urryer, por ta vrasë, ta zhdukë, ta mbulojë me dhe në lule të rinisë, t’ia lerë fëmijët pa nënë dhe më pas të shkojë në varrim duke bërë sikur nuk ka ndodhur asgjë, kjo, ka vetëm një shpjegim.
Shekulli e teknologjisë dhe i revolucionist industrial ka lindur kafshën hibride, që ngjason më shumë me inteligjencën artificiale. Është kafsha që ha llojin e vet, dhe kjo kafshë është produkt I sistemit të vlerave të rrënuara, që i dikton fats kultura, fast food-i, fast seksi, fast pasuria, fast pushteti, fast perversiteti dhe fast kafshëria.
Njeriu modern, apo kafsha moderne është kafsha që tregon në rrjetet sociale një jetë mashtrimi, një jetë që nuk e jetojnë, një jetë që nuk ka asnjë lidhje me ta.
Sa herë të shikoni rrjetin të populluar me qënie bombastike, të famshme, të fryra, të jashtzakonshme, të mbinatyrshme, kuptoni se pas tij/saj mund të jetë, kafsha hibride, që ha gjithcka, bashkë me llojin e vet.
Kafsha është e rrezikshme sepse të ha dhe të shqyen, por kafsha nuk vjen në varrim dhe as e vendos dorën në zemër, duke pritur ngushëllimet për femrën e vet që e ka shqyer me porosi!
Comments
Post a Comment